शाळेमध्ये या वर्षीपासून सुरु होत आहे माती परीक्षण केंद्र

  शिरवळ गाव व आजूबाजूच्या गावामध्ये बहुतेक करून शेती हा मुख्य व्यवसाय. आजकाल शेतकरी शेतातून जास्तीत जास्त उत्पादन घेण्याचा प्रयत्न करतो आहे,परंतु जमिनीस आवश्यक असणारे अन्नद्रव्य मात्र पुरेशा प्रमाणात मिळत नाही. यासाठी माती परीक्षण करणे आवश्यक असते. परंतु आसपासच्या परिसरात माती परीक्षण केंद्र नसल्याने मोठा प्रश्न निर्माण होत असे. आमच्या शाळेत या पूर्वी माती परीक्षण केवळ शाळेतील शेतात करायचो.परंतु परिसरातील शेतकऱ्यांच्या समस्या लक्षात घेता आय.बी.टी या पूर्वव्यवसायीक अभ्यासक्रमांतर्गत  माती परीक्षण आता आपल्या गावात हा उपक्रम चालू केला आहे. या उपक्रमाद्वारे निदेशक जास्तीत जास्त शेतकऱ्यांचे माती परीक्षण करून देतील.